湾仔全新法式烘焙店 前米芝莲主厨亲製：蜂巢千层酥+圣托佩塔

湾仔打工仔有口福啦！由前米芝莲二星餐厅主厨掌舵嘅全新烘焙品牌登陆湾仔，选址喺上班族聚集嘅商厦内。除咗每日新鲜供应各式各样嘅麵包外，仲有多款法式甜挞、蛋糕同埋咖啡特饮，无论做早餐或者下午餐都唔错。前米芝莲二星餐厅主厨坐镇 亲製限量千层酥烘焙热潮似乎有增无减，湾仔近日又出现一位新成员——OH! MY BREAD。麵包店走木系无印风路线，入到店舖可以清楚见到三个区域，包括即沖咖啡区、甜品柜及麵包柜。主理人係年仅29岁、曾任职米芝莲二星餐厅主总嘅Cyrus Yan（甄栢扬）。主总Cyrus同时曾荣获Tatler Dining嘅Best Pastry Chef Award造型好似鸡蛋仔嘅蜂巢千层酥，係主厨其中一款得意之作。呢款选用法国进口麵粉同牛油手工製作酥皮，焗成后虽然外型好似鸡蛋仔咁，可以遂粒遂粒食，但内里层次分明，入口酥脆同时带轻盈感，成为创新甜品：酥皮香脆版本嘅鸡蛋仔蜂巢千层酥。杂莓蜂巢千层酥加上自家製吉士酱，同酸甜莓果好夹开业初期，蜂巢千层酥会不定期限量出现，其中坚果口味将港式风味融入法式甜品内，加上Cyrus自家炒製嘅焦糖果仁配特调榛子酱，香气浓郁，食落甜而不腻！坚果蜂巢千层酥有丰富嘅层次感来一场法式甜品慰藉！特色甜品点止咁少呢？嚐甜朋友推介试吓焦糖果仁朱古力挞同柚子挞，前者为朱古力迷度身订造，朱古力挞皮搭配85%黑朱古力内馅，顶层加上自家炒製焦糖果仁同榛子酱，味道浓厚好rich。后者选用日本柚子果蓉同秘製柑橘酱，最后放上微炙义式蛋白霜，酸酸甜甜好开胃～焦糖果仁朱古力挞（左），柚子挞（右）呢度仲有法国南部嘅经典甜品Tarte Tropézienne，麵包质感似布里欧修麵包，咬落蓬鬆有空气感。中间内馅夹有橙花忌廉，味道清新，可以独食一个！橙花圣托佩塔入口轻盈，唔会太腻另有其他蛋糕款式，如焙茶巴斯克（左）同草莓戚风蛋糕（右）亦有牛角包、贝果、甜酥等包款早餐+鹹点其他选择麵包店位于湾仔办公室地段，亦有照顾打工仔需要，陆续推出早餐、鹹点、沙律同咖啡选择。快食之选推介方便易食嘅三文治，每日新鲜现做，以Focaccia同Ciabatta为基础，配上烟火腿、烟三文鱼、烟牛肉同烟鸡胸，都几饱腹㗎。烟鸡胸Focaccia（左），烟三文鱼Ciabatta（右）同场仲有24款咖啡特饮，图为Flat White（左）及Espresso Tonic（右）湾仔全新法式烘焙店 前米芝莲主厨亲製：蜂巢千层酥+圣托佩塔OH! MY BREAD地址：湾仔港湾道26号华润大厦1楼102-103号舖文：Sharon相、片：Yan Yan其他人也在看