黑色月光｜蔡誌恩跳出框框演奸角 网民讚眼前一亮：奸在骨子里

蔡誌恩由杨茜尧（前名杨怡）、王浩信、林夏薇、马志威、黄翠如及杨卓娜等演员演出嘅TVB台庆剧《黑色月光》正热播，剧情亦进入白热化阶段。除咗报仇剧情引起热话之外，剧中演员表现同样获关注。蔡誌恩（Vincent）係剧中饰演「三重无间道」Kenny（霍建堃），係一个充满野心嘅人，先后周旋喺「卓昊天」郭锋、「SK」张頴康及「卓慧云」林夏薇之间，今次蔡誌恩跳出框框饰演奸角，角色同以往好唔同，令观众眼前一亮。蔡誌恩曾任唔同种类嘅职业，背景可以话係超猛料。佢毕业于香港城市大学会计系，曾任香港有线新闻、无线新闻主播、节目主持、审计师、保险从业员、审计师和空中服务员等等，2005年经曾美华介绍下，任职有线新闻台做主播；翌年，转职TVB新闻台，同时为部分内地新闻作幕后报道。加入TVB未足一年，蔡誌恩就转职成为全职模特儿，部分工作照更大晒爆肌身材。蔡誌恩近年签约邵氏旗下，由2007年至今参演过唔少TVB剧集，包括《逆天奇案》、《星空下的仁医》、《青春不要脸》、新版《十月初五的月光》、《法言人》、《隐门》、《宠爱Pet Pet》、《再见•枕边人》及《新闻女王》等等，不时被安排律师和检控官角色，为TVB新一代御用律师。《黑色月光》监製锺澍佳（佳导）向来大胆起用新人，今次佢大胆起用蔡誌恩做奸角，所以Vincent喺接受传媒访问时亦好感激佳导同埋剧组俾机会佢，佢仲话因为拍摄《新闻女王》时，佳导睇playback见到佢有啲角度同眼神有啲阴险，所以就同佢讲话想搵佢做反派角色，令佢有啲反差感，可能会令观众有惊喜。今次蔡誌恩喺剧中担演重要奸角，所以事前佢都做足功课，不敢怠慢。虽然可以参考嘅剧集唔多，不过佢就好感激郭锋及林夏薇，因为佢哋帮咗佢好多，佢好记得当中有一幕佢需要阴险又鬼祟，不过佢一开始觉得自己做得唔够，拍摄完毕嘅郭锋好好，当时并无离开，仲留低教导佢调整及与导演畀时间佢消化，之后拍两take就顺利完成。而忙碌嘅林夏薇同佢对戏时，亦会好有耐心咁俾意见佢。剧集出街后，唔少网民都留言讚蔡誌恩演技，例如「奸得来好出色演技唔错」、「好重戏份，因为係卓昊天得力助手，人靓仔，字正腔圆」、「做得好好，劲sharp」、「演出突出比王浩信及杨明更好！加油！」、「做得唔错」、「有新鲜感，做得好好」、「奸在骨子里，演得好好」及「佢真係令我眼前一亮，表现到野心层层递进，见佢阴阴湿湿对付Vivian 好心凉，哈！」等等。蔡誌恩蔡誌恩蔡誌恩蔡誌恩蔡誌恩蔡誌恩蔡誌恩蔡誌恩蔡誌恩蔡誌恩蔡誌恩按此下载全新Yahoo APP，睇尽最新娱乐新闻、乐坛消息、名人热话、热门电影、Netflix剧评，新人更可换领限量新人礼，立即下载！其他人也在看