靓女KOL发长文指控《造星》前男友出轨食软饭：无缝接轨终于食到咁大兜软饭

靓女KOL Sarah喺IG拥有超过6万名追蹤者，不过佢喺噚日（25日）唔係上载靓相同网民分享，而喺发长文指控曾经参加头两届《全民造星》的前男友「表弟」容颖贤（Kenny）出轨、揽住阿姨、每段感情都overlap兼食软饭，引起网民热烈讨论。容颖贤除咗参加过头两届《全民造星》之外，仲参与过《PTU机动部队》、《黑金风暴》及《战毒》等影视作品拍摄。至于感情方面，容颖贤与「英皇小花」许靖韵分手后与Sarah拍拖，二人拍拖一年半，期间不时喺社交网站上载合照放闪，不过原来佢哋已经分手。喺噚日，Sarah喺IG发长文大爆旧爱出轨揽住阿姨兼食软饭：「叻仔，无缝接轨终于食到咁大兜软饭，之前仲成日拎阿姨同小鲜肉离婚单新闻出嚟笑，今日终于到自己接到呢兜软饭，你唔同我凼到呀姨一亿几千万唔该你哋千祈唔好分手，白费咗你几段食人软饭嘅经历。」之后Sarah爆出二人拍拖时，原来男方仲未斩断「上海富婆」旧爱，就同佢开始，并指男方每一段感情都係overlap。之后Sarah再爆男方去半山参加圣诞派对係为咗令阿姨埋佢身及每次去完酒局都呕，要女方帮佢执手尾，而IG亦追蹤多咗一堆新女仔。Sarah再话原本谂住算数，不过前几日竟然见到佢喺兰桂坊揽住阿姨出席公开活动：「我哋嘅分手係因为你有其他人，本来我係谂住护你面子护到最后，毕竟你要签公司 ...我本来认为你值得我还你一场最体面嘅落寞，我净係想所有嘢都算数，毕竟我都用咗一段时间先展开自己嘅新生活，我已经喊到好攰，唔想再活喺呢个漩涡入面...分手係我提出，亦都係断崖式，我净係想各不打扰就完咗佢。点知你几日前喺兰桂坊揽住阿姨出席公开活动，开心完一晚之后..都仲可以继续打俾我，YOU MAKE ME SICK，9月23日同我讲完"老婆一年半快乐"，分手三日之后即刻揽住其他人，你係咪到呢一刻都觉得两年嚟你玩嘅嘢..我係咩都唔知?」长文出街后，容颖贤联络Sarah，而Sarah亦有将对话截图公开，容颖贤问Sarah係唔係有误会及解释半山party嗰日人哋老公在场，并希望Sarah先删除Story。Sarah坚称男方与「阿姨」唔止见过咁简单，仲以情侣身份出席公开活动。容颖贤现时已把IG帐户转为私人账户。KOL Sarah IGKOL Sarah IGKOL Sarah IGKOL Sarah IGKOL Sarah IGKOL Sarah IG《全民造星》「表弟」容颖贤《全民造星》「表弟」容颖贤《全民造星》「表弟」容颖贤《全民造星》「表弟」容颖贤KOL Sarah IGKOL Sarah IGKOL Sarah IGKOL Sarah IGKOL Sarah IG按此下载全新Yahoo APP，睇尽最新娱乐新闻、乐坛消息、名人热话、热门电影、Netflix剧评，新人更可换领限量新人礼，立即下载！其他人也在看