伍仲衡生日会收费惹热议参加者被指係「水鱼」 嬲爆反击：生日都要开你拖

伍仲衡嬲爆反击网民用「水鱼」形容生日会参加者：生日都要开你拖着名音乐人伍仲衡为TVB歌唱真人骚《中年好声音》担任评判后，人气急升，日前与同为11月21日生日嘅「中一生」颜志恒举行「NCH 1122 BIRTHDAY PARTY」生日会，筵开56席，近700名粉丝参与，车婉婉、Maria Cordero（肥妈）、张佳添、韦绮珊、周国丰、李丽霞、刘威煌、胡渭康、洪心怡、梁浩然、支喾仪、涂家尧、魏嘉信及沈宗贤等人亦有出席，齐齐为伍仲衡和颜志恒庆生，除咗切蛋糕，亦有唱歌、玩游戏及抽奖送礼物环节，场面热闹。不过，其生日派对收费惹热议，每位参加者需支付680港元，有网民批评其收费标準，仲将参加者用「700条水鱼」形容，令伍仲衡嬲爆亲自留言反击。对于该网民嘅批评，伍仲衡列出各项开支反驳：「酒席每席$6,000，租乐器音响+5人乐队开支几万啦，仲有大量礼物抽奖，玩游戏又有歌听，每位只收$680，点水鱼呀！你返火星住啦，不知所谓！生日都要开你拖！」强调所有参加者都係自愿参与，举行生日会唔係为赚钱，亦冇钱赚，只係想同大家开party。此外，伍仲衡又批评该网民嘅外貌：「真係生日都要开你拖，入嚟我度搞事？未死过！大家认住呢件物体，丑样嘅人见得多，真係未见过连个心都咁Q丑样，个嘴真係似水鱼。You are what you said!!」其后，相关帖文于社交平台上已删除，不过伍仲衡直言唔係佢删帖，而係Facebook因内容可能造成威胁而删除：「话我冇所谓，话我啲fans係水鱼，我同你死过‼️ 我冇删Post, 係FB删除的，理由係话我个Post可能会造成威胁，原来我这么Lee High'。」对于此事，网民持唔同意见，部分网民表示支持伍仲衡，部分网民则认为伍仲衡回应过于激烈。《东张西望》截图《东张西望》截图伍仲衡 & 颜志恒伍仲衡伍仲衡伍仲衡伍仲衡伍仲衡伍仲衡颜志恒按此下载全新Yahoo APP，睇尽最新娱乐新闻、乐坛消息、名人热话、热门电影、Netflix剧评，新人更可换领限量新人礼，立即下载！其他人也在看